ბორჯომის მუნიციპალიტეტის საკრებულომ დღეს მორიგი სხდომა გამართა. დეპუტატებმა სულ 4 საკითხი განიხილეს. ცვლილებები შევიდა მუნიციპალიტეტის ტერიტორიაზე ადგილობრივი მოსაკრებლების შემოღების შესახებ დადგენილებაში. განიხილეს მერის ორი წარმომადგენლის რანგირების საკითხი. ასევე ცნობად მიიღეს საკითხი ფრაქციების მოადგილეების შესახებ, რის მიხედვითაც ფრაქცია "მაჟორიტარების" თავმჯდომარის მოადგილე გოჩა ჩადუნელი, ფრაქცია "ბორჯომის პატრიოტების" თავმჯდომარის მოადგილე კი მერაბ კვარაცხელია იქნება.