ახალი ამბები
რა განაცხადა სააკაშვილმა და რას პასუხობს მერაბიშვილი
14:36 / 28.01.2023
პატიმრობაში მყოფმა მესამე
პრეზიდენტმა, მიხეილ სააკაშვილმა, გამოცემა Spiegel-თან მიცემულ
ინტერვიუში განაცხადა, რომ საქართველოში დაბრუნების შემდეგ მისი
როგორც ფიზიკური განადგურება, ისე დაპატიმრება და გასამართლება
ვლადიმერ პუტინის, დიმიტრი მედვედევის და რუსეთის საგარეო საქმეთა
მინისტრის გეგმის ნაწილი იყო.
სააკაშვილის თქმით მას საქართველოში დაბრუნება სურდა, მაგრამ ამისთვის ცუდი დრო იყო. მისი განცხადებით ადამიანები, რომლებმაც მისი ჩამოსვლა დაგეგმეს, შესაძლოა, რუსეთის ჩანერგილი აგენტები იყვნენ.
ამავე ინტერვიუში სააკაშვილმა ილაპარაკა კონკრეტულად ვანო მერაბიშვილის შესახებ. როგორც ექსპრეზიდენტმა აღნიშნა, ნანობს, რომ სანდრო გირგვლიანის საქმის გამო იმდროინდელი შინაგან საქმეთა მინისტრი ვანო მერაბიშვილი თანამდებობიდან არ გაათავისუფლა.
საქართველოს ყოფილი პრემიერ-მინისტრი და ყოფილი შინაგან საქმეთა მინისტრი ვანო მერაბიშვილი „ფეისბუკის" ოფიციალურ გვერდზე გამოეხმაურა მის შესახებ გაკეთებულ განცხადებებს. მერაბიშვილი წერს, რომ მიხეილ სააკაშვილის ინტერვიუს „მახინჯი ინტერპრეტაციის უყურადღებოდ დატოვება" არ შეუძლია.
„მინდა გამოვეხმაურო დღეს აგორებულ მორიგ ტალღას ჩემთან მიმართებაში. წარსულში შეცდომები დამიშვია, მაგრამ პასუხისმგებლობას არასოდეს გავქცევივარ. სამარტოო საკანში გატარებულმა 7 წელმა ბევრი დრო მომცა, მათ შორის, საკუთარი პასუხისმგებლობის გააზრებისათვის. სტრასბურგის ევროპული სასამართლოს დიდმა პალატამ დაადგინა, რომ პატიმრობის გამოყენების მიზანი იყო, მიეღო იძულებითი ჩვენება ჩემგან, მიხეილ სააკაშვილის წინააღმდეგ. აქამდე ბევრ სხვა ტიპის უბინძურეს ცილისწამებაზე კომენტარიც კი არ გამიკეთებია, მაგრამ ახლა ჩემი მეგობრის, უმძიმეს მდგომარეობაში მყოფი მიხეილ სააკაშვილის ინტერვიუს, მახინჯი ინტერპრეტაციის უყურადღებოდ დატოვება უბრალოდ არ შემიძლია. რუსულ სპეც-სამსახურებთან თანამშრომლობას ხშირად სწორედ ის ხალხი მაბრალებს, ვისაც მთელი თავისი ბიოგრაფია სავსე აქვს ჩვენი ქვეყნის მტრებთან პირდაპირი თუ ირიბი კოლაბორაციის მაგალითებით. ვწუხვარ, რომ მიწევს ამის თქმა, მაგრამ დამაბრალო ის, რასაც მთელი ცხოვრება ვებრძოდი, არის ამორალური და უსინდისო საქციელი. უკრაინის გარდა, არცერთ ევროპულ სპეცსამსახურს არ მიუყენებია იმხელა ზიანი რუსული სპეცსამსახურებისთვის, როგორიც ჩვენმა შინაგან საქმეთა სამინისტრომ მიაყენა. რუსეთი მტერია, უკრაინა გაიმარჯვებს და მასთან ერთად, დარწმუნებული ვარ, საქართველოც გავა სამშვიდობოზე. სკამისა და არჩევნების გამო, არ შეიძლება ყველაფერი იკადრო!" - აცხადებს ვანო მერაბიშვილი.
სააკაშვილის თქმით მას საქართველოში დაბრუნება სურდა, მაგრამ ამისთვის ცუდი დრო იყო. მისი განცხადებით ადამიანები, რომლებმაც მისი ჩამოსვლა დაგეგმეს, შესაძლოა, რუსეთის ჩანერგილი აგენტები იყვნენ.
ამავე ინტერვიუში სააკაშვილმა ილაპარაკა კონკრეტულად ვანო მერაბიშვილის შესახებ. როგორც ექსპრეზიდენტმა აღნიშნა, ნანობს, რომ სანდრო გირგვლიანის საქმის გამო იმდროინდელი შინაგან საქმეთა მინისტრი ვანო მერაბიშვილი თანამდებობიდან არ გაათავისუფლა.
საქართველოს ყოფილი პრემიერ-მინისტრი და ყოფილი შინაგან საქმეთა მინისტრი ვანო მერაბიშვილი „ფეისბუკის" ოფიციალურ გვერდზე გამოეხმაურა მის შესახებ გაკეთებულ განცხადებებს. მერაბიშვილი წერს, რომ მიხეილ სააკაშვილის ინტერვიუს „მახინჯი ინტერპრეტაციის უყურადღებოდ დატოვება" არ შეუძლია.
„მინდა გამოვეხმაურო დღეს აგორებულ მორიგ ტალღას ჩემთან მიმართებაში. წარსულში შეცდომები დამიშვია, მაგრამ პასუხისმგებლობას არასოდეს გავქცევივარ. სამარტოო საკანში გატარებულმა 7 წელმა ბევრი დრო მომცა, მათ შორის, საკუთარი პასუხისმგებლობის გააზრებისათვის. სტრასბურგის ევროპული სასამართლოს დიდმა პალატამ დაადგინა, რომ პატიმრობის გამოყენების მიზანი იყო, მიეღო იძულებითი ჩვენება ჩემგან, მიხეილ სააკაშვილის წინააღმდეგ. აქამდე ბევრ სხვა ტიპის უბინძურეს ცილისწამებაზე კომენტარიც კი არ გამიკეთებია, მაგრამ ახლა ჩემი მეგობრის, უმძიმეს მდგომარეობაში მყოფი მიხეილ სააკაშვილის ინტერვიუს, მახინჯი ინტერპრეტაციის უყურადღებოდ დატოვება უბრალოდ არ შემიძლია. რუსულ სპეც-სამსახურებთან თანამშრომლობას ხშირად სწორედ ის ხალხი მაბრალებს, ვისაც მთელი თავისი ბიოგრაფია სავსე აქვს ჩვენი ქვეყნის მტრებთან პირდაპირი თუ ირიბი კოლაბორაციის მაგალითებით. ვწუხვარ, რომ მიწევს ამის თქმა, მაგრამ დამაბრალო ის, რასაც მთელი ცხოვრება ვებრძოდი, არის ამორალური და უსინდისო საქციელი. უკრაინის გარდა, არცერთ ევროპულ სპეცსამსახურს არ მიუყენებია იმხელა ზიანი რუსული სპეცსამსახურებისთვის, როგორიც ჩვენმა შინაგან საქმეთა სამინისტრომ მიაყენა. რუსეთი მტერია, უკრაინა გაიმარჯვებს და მასთან ერთად, დარწმუნებული ვარ, საქართველოც გავა სამშვიდობოზე. სკამისა და არჩევნების გამო, არ შეიძლება ყველაფერი იკადრო!" - აცხადებს ვანო მერაბიშვილი.