ახალი ამბები
ამირან გამყრელიძე სამცხე-ჯავახეთს ვაქცინაციის მარათონის ფარგლებში ესტუმრა
14:35 / 28.10.2021
ამირან გამყრელიძე ორდღიანი ვიზიტით
სამცხე-ჯავახეთში ვაქცინაციის მარათონის ფარგლებში იმყოფება.
ნინოწმინდის მუნიციპალიტეტის სოფელ სოფელ განძის ამბულატორიაში ადგილობრივებთან ერთად, სამედიცინო პერსონალი, ადგილობრივი ხელისუფლების წარმომადგენლები და სკოლის მასწავლებლები სინოფარმის, სინოვაკისა და ფაიზერის ვაქცინით იცრებიან.
“ჩვენი ვიზიტის მიზანია მარათონის ფარგლებში მოსახლეობასთან კომუნიკაცია და მეტი კომუნიკაცია ჩვენს კოლეგებთან,სოფლის ექიმებთან,რწმუნებულებთან,რადგან მათ სერიოზული როლი უნდა ითამაშონ აცრის მოწოდებისკენ. ნინოწმინდაში ვაქცინირებულია 15%, უნდა მივაღწიოთ 60%-ს” - განაცხადა დაავადებათა კონტროლის ეროვნული ცენტრის ხელმძღვანელმა.
გამყრელიძემ მოსახლეობის შიშებზეც ისაუბრა. მან აღნიშნა, რომ ვაქცინას რაიმე სახის განსაკუთრებული უკუჩვენება არ აქვს.
„ჩემმა კოლეგამ იცის, თუ ალერგიული რეაქცია აქვს ადამიანს, მაშინ საჭიროა დამატებითი კონსულტაცია. ჩვენ უკვე გაკეთებული გვაქვს ორ მილიონამდე აცრა, აქედან გართულება მოყვა მხოლოდ 100-დან 120-მდე შემთხვევას, რა დროსაც მოქალაქეს დასჭირდა რამდენიმე დღე სამედიცინო დაწესებულებაში ყოფნა.“ რაც შეეხება იმ საკითხს, გახდება თუ არა ვაქცინაცია სავალდებულო - ამირან გამყრელიძის ინფორმაციით, აღნიშნულ საკითხზე მსჯელობენ, თუმცა უმრავლესობას მიაჩნია, რომ ვაქცინაცია ნებაყოფლობითი უნდა იყოს. გამყრელიძე არ გამორიცხავს, რომ ირიბი სავალდებულო მექანიზმები გამოიყენონ.
დაავადებათა კონტროლის ეროვნული ცენტრის დირექტორი დღესვე ახალქალაქს და ასპინძას ეწვევა, 29 ოქტომბერს კი დაგეგმილია მისი ვიზიტი ახალციხეში, ადიგენსა და ბორჯომში.
წყარო: ახალციხის მეცხრე არხი
https://tv9news.ge/ka/akhali-ambebi/jandacva/article/30003-amiran-gamyrelidze-vaqcinis-usafrthkhoebashi-ninotsmindis-mosakhleobas-artsmunebs-s-viziti-samckhe-javakhethshi
ნინოწმინდის მუნიციპალიტეტის სოფელ სოფელ განძის ამბულატორიაში ადგილობრივებთან ერთად, სამედიცინო პერსონალი, ადგილობრივი ხელისუფლების წარმომადგენლები და სკოლის მასწავლებლები სინოფარმის, სინოვაკისა და ფაიზერის ვაქცინით იცრებიან.
“ჩვენი ვიზიტის მიზანია მარათონის ფარგლებში მოსახლეობასთან კომუნიკაცია და მეტი კომუნიკაცია ჩვენს კოლეგებთან,სოფლის ექიმებთან,რწმუნებულებთან,რადგან მათ სერიოზული როლი უნდა ითამაშონ აცრის მოწოდებისკენ. ნინოწმინდაში ვაქცინირებულია 15%, უნდა მივაღწიოთ 60%-ს” - განაცხადა დაავადებათა კონტროლის ეროვნული ცენტრის ხელმძღვანელმა.
გამყრელიძემ მოსახლეობის შიშებზეც ისაუბრა. მან აღნიშნა, რომ ვაქცინას რაიმე სახის განსაკუთრებული უკუჩვენება არ აქვს.
„ჩემმა კოლეგამ იცის, თუ ალერგიული რეაქცია აქვს ადამიანს, მაშინ საჭიროა დამატებითი კონსულტაცია. ჩვენ უკვე გაკეთებული გვაქვს ორ მილიონამდე აცრა, აქედან გართულება მოყვა მხოლოდ 100-დან 120-მდე შემთხვევას, რა დროსაც მოქალაქეს დასჭირდა რამდენიმე დღე სამედიცინო დაწესებულებაში ყოფნა.“ რაც შეეხება იმ საკითხს, გახდება თუ არა ვაქცინაცია სავალდებულო - ამირან გამყრელიძის ინფორმაციით, აღნიშნულ საკითხზე მსჯელობენ, თუმცა უმრავლესობას მიაჩნია, რომ ვაქცინაცია ნებაყოფლობითი უნდა იყოს. გამყრელიძე არ გამორიცხავს, რომ ირიბი სავალდებულო მექანიზმები გამოიყენონ.
დაავადებათა კონტროლის ეროვნული ცენტრის დირექტორი დღესვე ახალქალაქს და ასპინძას ეწვევა, 29 ოქტომბერს კი დაგეგმილია მისი ვიზიტი ახალციხეში, ადიგენსა და ბორჯომში.
წყარო: ახალციხის მეცხრე არხი
https://tv9news.ge/ka/akhali-ambebi/jandacva/article/30003-amiran-gamyrelidze-vaqcinis-usafrthkhoebashi-ninotsmindis-mosakhleobas-artsmunebs-s-viziti-samckhe-javakhethshi