კორონავირუსის პანდემიამ ბავშვების ცხოვრებაც შეცვალა. პატარები ვეღარ ახერხებენ საბავშვო ბაღში სიარულს, მეგობრებთან ურთიერთობას და გართობას. შექმნილმა მდგომარეობამ მათ უამრავი კითხვა გაუჩინა. მათთან ერთად პრობლემის წინაშე დადგნენ მშობლებიც.
ბავშვების საჭიროებებზე სწრაფი რეაგირების მოხდენის მიზნით საქართველოში შეიქმნა ცხელი ხაზი, ნომრით 111, სადაც ბავშვებსა და მათ მშობლებს პრობლემურ საკითხებზე კონსულტაციას 24 საათის განმავლობაში გაუწევენ.