ვალუტა
USD
USD
1
2.6594
EUR
EUR
1
3.0144
RUB
RUB
100
4.0028
GBP
GBP
1
3.3346
TRY
TRY
1
0.4940
ბორჯომი -5 - 4 °C
img
ახალციხე -7 - 3 °C
img
თბილისი -1 - 8 °C
img
ასპინძა -9 - 3 °C
img
ახალქალაქი -12 - -1 °C
img
ინტერაქტიული მულტიმედია
როგორ იმუშავა ბორჯომის მერმა ერთი წლის განმავლობაში
ლევან ლიპარტია, უკვე ერთი წელია რაც ბორჯომის მუნიციპალიტეტის მერია. ხალხის რჩეული ის 2017 წელს, ადგილობრივი თვითმმართველობის არჩევნებში ხმათა უმრავლესობით გახდა, რის შემდეგაც მერის სავარძელი მოირგო.
ზუსტად ერთი წლის შემდეგ, მისი მუშაობა ბორჯომში ადგილობრივებმა შეაფასეს. ტელეკომპანია „ბორჯომის“ გადამღებმა ჯგუფმა ქალაქის ყველა უბანში 40-მდე რესპონდენტი გამოკითხა, რომელთა უმრავლესობა ამბობს, რომ განხორციელდა ბევრი ინფრასტრუქტურული და სოციალური პროექტი. მოსახლეობის უმეტესობა, ლიპარტიას მუშაობას დადებითად აფასებს.












საკუთარი მუშაობის, გამოწვევების, მიღწეული წარმატებების შეფასება და სამომავლო გეგმებზე საუბარი ვთხოვეთ მუნიციპალიტეტის მერსაც, თუმცა მოუცლელობის გამო, კითხვებზე პასუხები ვერ მივიღეთ. აღსანიშნავია ისიც, რომ ლევან ლიპარტია, ტელეკომპანია „ბორჯომთან“ ინტერვიუების ჩაწერით ამ ერთი წლის განმავლობაში დიდად არ გამოირჩეოდა, სხვადასხვა პრობლემურ საკითხზე პასუხის გასაცემად, ხშირად თავის მოადგილესთან - ბუბა ბერიძესთან გადაგვამისამართებდა, რომელიც ყოველთვის ღია იყო მედიასთან. მას მხოლოდ რამდენჯერმე აქვს მიღებული მონაწილეობა გადაცემაში „ფორუმი“.







იმის გამო, რომ ეკრანზე ხშირად არ ჩნდებოდა, შესაბამისად არ მოიძებნება ტელეკომპანია „ბორჯომის“ არქივში ის დაპირებები, რომელსაც მოსახლეობისთვის გასცემდა.
მერად არჩევის შემდეგ, ეს იყო პირველი სატელევიზიო ინტერვიუ ტელეკომპანია „ბორჯომთან“, როდესაც ის მოქალაქეებს დაჰპირდა, რომ ყველასთვის ხელმისავდომი მერი იქნებოდა.




ტელეკომპანია „ბორჯომის“ შემდეგ მედიასთან თანამშრომლობა შეაფასეს, სამცხე-ჯავახეთში მოქმედმა, ტელეკომპანიამ „მეცხრე არხი“ და საინფორმაციო სააგენტომ „სამხრეთის კარიბჭე“.

„რეგიონის ექვსი მუნიციპალიტეტის მერებიდან, ლევან ლიპარტია ყველაზე ნაკლებად კომუნიკაბელურია. არასდროს პასუხობს ტელეფონს და არასდროს ჩნდება ჟურნალისტებთან. უშუალოდ მისი ჩაწერა მაშინაც კი ვერ შევძელით, როცა საკრებულოს თავმჯდომარის გადაყენების მოთხოვნით მისი თანამშრომლები გაიფიცნენ, მერიის შენობა კი სამართალდამცველებითა და ჟურნალისტებით იყო სავსე. ლიპარტია მაშინ პრესასთან მხოლოდ მის მიერ საგანგებოდ მოწყობილ ბრიფინგზე გამოჩნდა. შესაბამისად, თითქმის არასდროს აქვს „სამხრეთის კარიბჭეს“ ბორჯომის მუნიციპალიტეტში მიმდინარე მოვლენებზე მისი მოსაზრება“ - აცხადებენ „სამხრეთის კარიბჭეში".

"მე-9 არხს" ლევან ლიპარტიასგან იშვიათად უწევდა ინტერვიუს აღება. ბორჯომის პირველ პირს დაგეგმილ ღონისძიებებზე ვხვდებოდით. მაგალითად, ოფიციალური შეხვედრა დელეგაციასთან, შენობის გახსნა, გამწვანების აქცია. ასეთ დროს ჩვეულებრივ გვაძლევდა ინტერვიუს. როცა სხვა საკითხებზე ოფიციალური დეტალები გვაინტერესებს, წერილობით გამოვითხოვთ ხოლმე, მაგალითად პრემიები, შრომის ანაზღაურება და ა.შ." - განაცხადეს ახალციხის ტელეკომპანია „მეცხრე არხში“.

შეგახსენებთ, 2017 წელს, ადგილობრივი თვითმმართველობის არჩევნებში კენჭს მერობის 6 კანდიდატი იყრიდა. პირველ ტურში, „ქართული ოცნების“ კანდიდატს - ლევან ლიპარტიას 40.35%, „პატრიოტთა ალიანსის“ კანდიდატს - ზაზა ჩაჩანიძეს კი 40.15% ჰქონდა მიღებული. მათ შორის 24 ხმა იყო განსხვავება. ამის შემდეგ არჩევნების მეორე ტური გაიმართა, სადაც ლიპარტიამ ხმების 55,22 % მიიღო, ჩაჩანიძემ კი 44,78% დააგროვა,
ლევან ლიპარტია, 7615-მა ამომრჩეველმა ოთხი წლის ვადით აირჩია. მუნიციპალიტეტის მერს უფლებამოსილების ვადა 2021 წელს ამოეწურება, იქამდე კი როგორ იმუშავებს ხალხის რჩეული ხალხისთვის, მომდევნო სამი წელი გვიჩვენებს.


FaceBook Twitter Google
დღის პოპულარული სიახლე
ქალთა მიმართ ძალადობის წინააღმდეგ ბრძოლის 16-დღიანი კამპანია დასრულდა
25 ნოემბერს დაწყებული „ნარინჯისფერი“ კამპანია, გენდერული ნიშნით  ძალადობის წინააღმდეგ, ბორჯომში სხვადასხვა ღონისძიებებით აღინიშნა.
12:18 / 12.12.2018
კალენდარი
«« დეკემბერი  »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456