ბორჯომში ავარიის დროს დაშავებული მძღოლი საავადმყოფოში რჩება
12:47 / 10.08.2017
ავტოსაგზაო შემთხვევა მოხდა დღეს, 10 აგვისტოს ბორჯომში. ხაშურიდან
ბორჯომის მიმართულებით მოძრავი ამწე, ჩარხისწყლის ხიდის მიმდებარედ
მდინარე მტკვარში გადავარდა.
ავტომანქანას ცეცხლი გაუჩნდა. მისი ჩაქრობა სახანძრო-სამაშველო
სამსახურის თანამშრომლებმა დროულად შეძლეს.
მძღოლი სავარაუდოდ რუსთავში მცხოვრები 39 წლის მამაკაცია, რომელმაც
მანქანიდან გადმოხტომა მოასწრო. ის მოტეხილობით ჯეო-ჰოსპიტალსის
ბორჯომის სამედიცინო ცენტრში გადაიყვანეს.
ავარიის შედეგად მოგლეჯილია გარე განათების ბოძი. დაზიანდა ბუნებრივი
აირის მილიც. ცენტრალურ გზაზე მოძრაობა დროებით შეფერხებული იყო.