მოსახლეობის 59%-დან, საარჩევნო ასაკის 38%-მა საარჩევნო კამპანიის დაწყებამდე(აგვისტომდე) გადაწყვიტა, თუ ვის მისცემდა ხმას. კითხვაზე, როდის გადაწყვიტეთ ვისთვის მიგეცათ ხმა ადგილობრივი თვითმმართველობის არჩევნებში, გამოკითხულთა 27% პასუხობს, რომ საარჩევნო კამპანიის განმავლობაში. 13%-მა გადაწყვეტილება არჩევნების დღეს მიიღო, 1%-მა კი კითხვაზე პასუხი არ იცის.

აღნიშნული გამოკითხვა 2017 წლის 29 ნოემბერი - 19 დეკემბრის პერიოდში, საქართველოს
მასშტაბით 2,298 პირისპირ ინტერვიუს წარმომადგენლობითი შერჩევის საფუძველზე,
ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა
(ოკუპირებული ტერიტორიების გამოკლებით). კვლევაში საშუალო ცდომილების ზღვარი
არის +/- 1.9 პროცენტი.
NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური
ხელშეწყობით და ატარებს CRRC საქართველო.