დღეიდან, 31 იანვრიდან ბორჯომის სკოლამდელი აღზრდის დაწესებულებებში სასწავლო პროცესი დროებით შეჩერდა. მიზეზი ბაღებში კოვიდინფიცირების მომატებული შემთხვევებია. აღმზრდელების ნახევარზე მეტს covid 19 დაუდასტურდა და უმრავლესობა იზოლაციაში იმყოფება.

ასევე კორონავირუსის პანდემიის გამო ბოლო პერიოდში საბავშვო ბაღებში აღსაზრდელები არ დადიოდნენ. მუნიციპალიტეტის 11 საბავშვო ბაღის 900-მდე აღსაზრდელიდან ბაღში 20% დადიოდა.

საბავშვო ბაღები მუშაობას სავარაუდოდ ორი კვირის შემდეგ, 7 თებერვლიდან განაახლებს.