ახალქალაქისა და კუმურდოს მიტროპოლიტის, მეუფე ნიკოლოზის (ფაჩუაშვილი) განცხადებით, ბზობის დღესასწაულზე ეკლესიაში არმისვლა ცოდვაში არ ჩაეთვლება მას, ვისაც მიზეზი აქვს, რომ არ მივიდეს. „ცოდვაში არ ჩაეთვლება არმოსვლა იმას, ვისაც რაიმე მიზეზი აქვს, რომ არ მოვიდეს. ან შეუძლოდ გრძნობს თავს ან შინაგანად განიცდის ასე. ჯანმრთელ ადამიანს უთხრა, რომ არ მოხვიდე და არ ქნა რაღაც, მოაზროვნე ადამიანს მაშინ უნდა აუხსნა, რატომ არ? მე რომ ვიღაცამ მითხრას, რომ არ მოხვიდე ტაძარშიო, ვიკითხავ, გასაგებია, მაგრამ რატომ?“ - აცხადებს მეუფე.

რაც შეეხება ბზის გაყიდვას, მისი თქმით, ბზა საერთოდ არ უნდა იყიდებოდეს.

„ბზა საერთოდ არ უნდა იყიდებოდეს. ახლა არ ვიცი როგორ იქნება, იმიტომ, რომ ძირითადად ეკლესია არ აკეთებს ხოლმე ამას, ესენი არიან მოვაჭრეები, რომლებიც ჩეხავენ და ჩამოაქვთ და ძალიანაც კარგი თუ არ აჩეხავენ ამ ბზას“ - განაცხადა მეუფე ნიკოლოზმა.

წელს ბზობის დღესასწაული 12 აპრილს აღინიშნება. ცალკეული ტაძრის წინამძღვრები აცხადებენ, რომ მათ ეკლესიაში ბზა არ გაიყიდება, რათა „არ იყოს მხოლოდ ბზის საყიდლად მისული ადამიანების მოზღვავება“.