უკანონოდ მოქმედი სახერხი საამქრო ბორჯომში
გარემოსდაცვითი ზედამხედველობის დეპარტამენტის სამცხე-ჯავახეთის
რეგიონული სამმართველოს თანამშრომლებმა უკანონოდ მოქმედი სახერხი
საამქრო გამოავლინეს.
ბორჯომის მუნიციპალიტეტის სოფელ ყვიბისში, მოქალაქე ზ.გ.-ს,
საცხოვრებელი სახლის ეზოში მოწყობილი ჰქონდა სახერხი საამქრო, რომელიც
არ არის რეგისტრირებული მერქნული რესურსების მართვის ელექტრონულ
სისტემაში. საამქროს ტერიტორიაზე განთავსებული იყო ასევე უკანონოდ
მოპოვებული მრგვალი მორები.
შედგა შესაბამისი აქტი. სახერხი დანადგარი დაილუქა და გადატანილია
ფინანსთა სამინისტროს მომსახურების სააგენტოში.