გორში ყოფილი ბიზნესმენის, გურამ გოგიჩაიშვილის გვამი წერეთლის ქუჩაზე იპოვეს. ადგილობრივი მედიის ინფორმაციით, სასიკვდილო ჭრილობა მას ცეცხლსასროლი იარაღით აქვს მიყენებული. გარდაცვლილს რამდენიმე ტყვია აქვს მოხვედრილი, მათ შორის ერთი - შუბლის არეში. დაზიანებულია ავტომანქანაც.
გარდაცვლილი იმ შენობაში იპოვეს, სადაც 1 თებერვლიდან "ბურჯანაძე-დემოკრატიული საქართველოს" ოფისი უნდა განთავსებულიყო. წერეთლის ქუჩაზე მცხოვრებლები ამბობენ, რომ მათ სროლის ხმა არ გაუგიათ. საქმეზე სამართალდამცავებმა გამოძიება 108-ე მუხლით დაიწყეს, რაც განზრახ მკვლელობას გულისხმობს.