ქვეყანაში სახლიდან განათლების მიღების მსურველთა ასეთი რეკორდული რიცხვი კორონავირუსის პანდემიის გამოცხადების შემდეგ არ დაფიქსირებულა – დისტანციური სწავლების მოთხოვნით, ერთ დღეში, საღამოს 18:00 საათამდე 23 869 მოსწავლე დარეგისტრირდა/

განათლების მართვის საინფორმაციო სისტემის ინფორმაციით, იმ მოსწავლეთა რიცხვი, რომელთაც დასწრებული სწავლება მოითხოვეს და ამ სურვილით დარეგისტრირდნენ მხოლოდ 4 842-ია.

ასეთი მაჩვენებლები ქვეყანაში კორონავირუსის “იმიკრონის” შტამის რეკორდული გავრცელებით არის გამოწვეული. ინფექციონისტები და ექიმები ვარაუდობენ, რომ მაჩვენებლები მალე კიდევ უფრო გაიზრდება და დღიურად, ახალი შტამი 10 000-მდე ადამიანს დაუდასტურდება.

ცნობისთვის, დისტანციური სწავლების მსურველებმა რეგისტრაცია უნდა გაიარონ სსიპ განათლების მართვის საინფორმაციო სისტემის მიერ შექმნილ ვებგვერდზე – https://online.emis.ge

ონლაინ სწავლებაზე განაცხადის შევსება/რეგისტრაციის გაუქმება შესაძლებელი იქნება ყოველ ხუთშაბათს 00:00 – 18:00 საათის შუალედში.