ჭარბტენიანი ტერიტორიების საერთაშორისო დღესთან დაკავშირებით სსიპ გარემოსდაცვითი ინფორმაციისა და განათლების ცენტრში დღეს ღონისძიება გაიმართა.
ღონისძიებაზე გარემოსდაცვითი ინფორმაციისა და განათლების ცენტრის წარმომადგენელმა ჩაატარა საინფორმაციო შეხვედრა და სემინარი მოსწავლე-ახალგაზრდობის ეროვნული სასახლის მოსწავლეებთან. გაიმართა მოსწავლეების მიერ შექმნილი ნახატების გამოფენა, ესეების წარდგენა და ღონისძიებაში მონაწილეებისთვის სერთიფიკატების გადაცემა.
1971 წელს ირანის ერთ-ერთ ქალაქში, რამსარში „საერთაშორისო მნიშვნელობის ჭარბტენიანი ტერიტორიების შესახებ“ კონვენცია მიიღეს. 1997 წლის 2 თებერვალს ჭარბტენიანი ტერიტორიების საერთაშორისო დღე პირველად აღნიშნეს და მას შემდეგ ყოველწლიურად აღინიშნება.
საქართველოში საერთშორისო მნიშვნელობის ჭარბტენიანი ტერიტორიები არის ცენტრალური კოლხეთის ჭაობები და ისპანის ჭაობი.
