შსს-მ საზღვრის უკანონოდ გადაკვეთის მცდელობის ბრალდებით 4 პირი დააკავა
18:12 / 23.09.2018
შსს-ს სასაზღვრო პოლიციის და სახელმწიფო უსაფრთხოების სამსახურის
თანამშრომლებმა, კარწახის სასაზღვრო სექტორის დასაცავ მონაკვეთზე,
უზბეკეთის 2, ყირგიზეთის 1 და საქართველოს 1 მოქალაქე დააკავეს.
შემთხვევის ადგილიდან ისინი საქართველოს სახელმწიფო საზღვრის
უკანონოდ, ჯგუფურად გადაკვეთის მცდელობის ბრალდებით
აიყვანეს.
ჩადენილი დანაშაული 4-დან 5 წლამდე ვადით თავისუფლების აღკვეთას
ითვალისწინებს.
გამოძიებამ დაადგინა, რომ ბრალდებულები, სასაზღვრო-საკონტროლო გამტარი
პუნქტის გვერდის ავლით, საქართველოს სახელმწიფო საზღვრის თურქეთის
რესპუბლიკის მიმართულებით უკანონოდ, ჯგუფურად გადაკვეთას
ცდილობდნენ.
გამოძიება საქართველოს სახელმწიფო საზღვრის უკანონოდ, ჯგუფურად
გადაკვეთის მცდელობის ფაქტზე, საქართველოს სსკ-ს 19-344-ე მუხლის მე-2
ნაწილის ,,ა“ ქვეპუნქტით მიმდინარეობს .