ბორჯომის საკრებულოს ლეიბორისტმა დეპუტატმა, გიორგი გიუაშვილმა საკრებულოს გარემოს დაცვის და აგრარულ საკითხთა კომისიის თავმჯდომარის პოსტი დატოვა. განცხადება ამის შესახებ გიუაშვილმა სოციალური ქსელის საშუალებით გაავრცელა, მოგვიანებით კი საკრებულოს აპარატს ელ. ფოსტაზე გაუგზავნა. საკრებულოს თავმჯდომარე აცხადებს, რომ გიუაშვილი სხდომებს არ ესწრებოდა და საკანონმდებლო ორგანოს მუშაობას აფერხებდა.