ბორჯომის ახლადარჩეული საკრებულოს პირველი სხდომა 20 ნოემბერს გაიმართება. საკანონმდებლო ორგანო 28 დეპუტატით დაკომპლექტდება. პირველივე სხდომაზე საკრებულოს თავმჯდომარის, მოადგილის და კომისიების ხელმძღვანელების არჩევა მოხდება.

21 ოქტომბერს არჩეულ საკრებულოში 5 პოლიტიკური ძალა იქნება წარმოდგენილი. 13 მანდატი ექნება "ქართულ ოცნებას", 11 - "პატრიოტთა ალიანსს", 2 დეპუტატით იქნება წარმოდგენილი საკანონმდებლო ორგანოში "ნაციონალური მოძრაობა", 1 დეპუტატი ეყოლება "ევროპულ საქართველოს" და 1- "ლეიბორისტულ პარტიას"

სხდომა 15:00 საათზეა ჩანიშნული.

20 ნოემბერს გახდება ცნობილი ვინ უხელმძღვანელებს საკანონმდებლო ორგანოს ბორჯომში მომდევნო 4 წლის განმავლობაში.