მიუხედავად იმისა, რომ გუშინ საღამოს ხანძარი ლიკვიდირებული იყო, პროცესს ხელი ქარმა შეუშალა, რამაც გამოიწვია ხანძრის კერების გაღვივება. სამუშაოები დღეს დილიდან კვლავ განახლდა. შინაგან საქმეთა და თავდაცვის მინისტრებმა დღის ბოლოს განაცხადეს, რომ ხანძარი ბორჯომის ტყეებში ლიკვიდირებულია და საშიშროება აღარ არსებობს. ლევან იზორიას თქმით, ხვალიდან იგეგმება სამხედრო მოსამსახურეთა რაოდენობის შემცირებაც. არსებული ვითარება დღეს ადგილობრივებმაც შეაფასეს.